كيف اصبغ شعرى

كيفية سبغ الشعر

خطواطت سبغ الشعر

شوفي يا قمر بما إنك قررتي القرار الخطير ده اللي هو إنك تصبغي شعرك بنفسك يبقى أكيد محتاجة تعرفي ازاي ممكن تعملي كده بنفسك في البيت من غير ما يحصل أي أضرار لأن العملية دي مش سهلة دي محتاجة يكون عندك صبر شديد جدا وإنك تهتمي بشعرك كويس جدا قبل ما تصبغيه وبعد ما تصبغيه..

علشان كده تعالي نمشي مع بعض واحدة واحدة ونشوف ازاي ممكن نصبغ شعرنا بنفسنا

يلا نشوف مع بعض..
المرحلة الأولى
مرحلة ما قبل الصبغة [/color]



[color=#FF1493]
وفي المرحلة دي لازم تهتمي بشعرك جدا لمدة شهر على الأقل قبل ما تصبغيه خاصة لو كان شعرك من النوع الضعيف أو اللي أطرافه مقصفة لأن في الحالة دي هتبقي محتاجة تعملي حمامات زيت أو كريم لشعرك مرة كل أسبوع قبل ما تفكري في صبغ شعرك...

ولازم تستخدمي الشامبو والبلسم المناسبين لنوع شعرك وياريت تكثري من استخدام البلسم على أطراف شعرك خاصة لو كانت الأطراف دي مقصفة.

وخدي بالك إنك تسيبي شعرك بدون غسيل أو استخدام أي نوع من أنواع الكريمات أو الزيوت لمدة يوم قبل الصبغ
المرحلة التانية
اختيار اللون المناسب



عايزة أقول لك خدي بالك إنك مش لازم تعتمدي على الألوان الموضة في اختيار لون شعرك لأنها ممكن تكون مش مناسبة لكِ واعتمدي في اختيارك على الألوان المناسبة للون بشرتك ولون عينيك..

يعني مثلا..

• لو كانت بشرتك بيضاء ولون عينيك أخضر أو أزرق
يبقى هتلاقي إن اللون الأشقر الرمادي والأشقر البني هما المناسبين لكِ وابعدي نهائيا عن الأشقر الذهبي المائل للاصفر.

• أما إذا كان لون بشرتك أبيض ولون عينيك عسليا
يبقى هتلاقي إن اللون المناسب لك هو الكستنائي الفاتح أو البني المائل للأشقر أو النحاسي.

• أما إذا كان لون بشرتك خمريا ولون عينيك عسليا
يبقى اللون المناسب هو درجة فاتحة من درجات النحاسي وكمان الأسود مناسب لك جدا.

• وإذا كانت بشرتك بيضاء ولون عينيك أسود
يبقى اللون المناسب هو البني بدرجاته.

• وإذا كانت بشرتك سمراء أو خمرية ولون عينيك بني غامق
يبقى اللون المناسب لك هو الأحمر الداكن أو الخوخي.

كمان خدي بالك
إن لو شعرك قصير يبقى لونيه كله بلون واحد أما إذا كان شعرك طويلا يبقى بلاش تلونيه كله بلون واحد وكفاية قوي تفتحي بعض الخصلات المحيطة بالوجه لأن دي هتنور وشك وهتزيد جماله.